Oranje Fonds ta inisiá búskeda di e ganadornan di Appeltjes van Oranje 2020

Oranje Fonds ta inisiá awe ku búskeda di proyektonan spesial ku por bini na remarke pa un Appeltje van Oranje 2020. E aña aki e tema ta ‘Maatjes ben je samen’ (Huntu bo ta amigu) i e premionan ta den kuadro di proyektonan di amistat: proyektonan den kua hendenan ta yuda otro bai dilanti i ta duna sosten pa un tempu largu. Por registrá te 6 di òktober 2019  via oranjefonds.nl/appeltjes.Tres inisiativa lo risibí na mei 2020 un Appeltje van Oranje for di man di Reina Máxima.

Den nos Reino tin hopi hende ku pa diferente motibu por hasi bon uso di yudansa. P’esei boluntarionan ku por bira un amigu i ke yuda nan ta indispensabel. Afortunadamente tin hopi proyekto ku riba tur sorto di tereno ta konektá tur tipo di hende ku otro:hendenan ku ta malu i òf ta isolá, hendenan ku a pasa dor di un tempu fastioso  tin problema pa bolbe para riba nan pia òf ku tin mester di yudansa personal pa siña nos idioma òf pa desaroyá nan talento. E proyektonan aki ta karakterisá nan mes dor ku kada un amigu ta elevá otro su bida. 

Komo Oranje Fonds gustosamente nos ke laga mira diversifikashon i nos ke balorá e proyektonan di mas bunita ku un premio. Pasombra huntu bo ta amigu: pasombra huntu boso ta bai dilanti. Huntu nos ta hasi nos pais mas bunita. P’esei nos ta buskando e forsanan tras di proyektonan sosial ku por konta di nan aserkamentu komo amigu,forsa inovativo i pashon nan kontribushon na un komunidat mas sosial. Ken ta esun ku ta den e mihó posishon pa konektá amigunan ku otro, di kua tur dos ta haña satisfakshon den kolaborashon di moda ku riba término largu nan tambe por sigui nifiká hopi pa otro? 

Amigu

Peter Douwes, direktor Oranje Fonds: “Pa hopi aña kaba nos ta sostené proyektonan den kua frètsnan ta balorá masha hopi e kontakto mutuo. Boluntarionan ta registrá nan mes mayoria bia pasombra nan ke yuda un otro hende. Práktika ta mustra kada bia ku nan mes tambe ta siña hopi di dje i ta eksperensiá  un satisfakshon inmenso. E sintimentu mutuo aki ta hasi ku e aserkamentu komo amigu aki ta asina eksitoso. Asina nos ta traha huntu na kombibensia den kua un i tur por partisipá.” 

Premio

Tur aña ta repartí Appeltjes van Oranje na tres inisiativa ku di un forma eksitoso ta konektá diferente grupo di hende òf ku ta sòru pa e hendenan bolbe partisipá den komunidat. Tur ganadó di un Appeltje van Oranje ta haña un estatua chikí di bròns trahá pa Prensès Beatrix i un suma di plaka di 15.000 Euro. Tur aña Reina Máxima ta entregá e premionan. Den e añanan ku ta selebrá un lustro esaki lo ta na enkargo di Rei Willem-Alexander.