E tim di Nationale ombudsman lo tei novèmber na Karibe Hulandes. Tres bia pa aña e investigadónan lo bini Boneiru, Saba i Statia pa sigui yuda habitantenan ku tin keho riba gobièrnu. Tin oranan di konsulta ku tur persona ku tin keho por akudí na dje. Si ta nesesario nan ta hasi bishita di kas pa wak si nan por yuda solushoná nan problema ku gobièrnu. 

Personanan ku keho por ehèmpel riba Servisio di Impuesto, Ministerio Públiko, Polis, Entidat Públiko òf Rijksdienst Caribisch Nederland por bini grátis serka e investigadónan di Nationale ombudsman.

Bishitá nos oranan di konsulta

Via aviso i spòtnan na radio i via página di Facebook di Nationale ombudsman Caribisch Nederland ta anunsiá e lokalidatnan ku e orarionan di konsulta na Boneiru, Saba i Statia. Si personanan interesá no por akudí na un di e oranan di konsulta por entregá keho tambe via e website, WhatsApp i telefòn.

Boneiru

Plaza Francisco Chiku Goeloe na Antriol

Djamars 19 di novèmber di 9.30 or di mainta pa 12’or di mèrdia (9:30 – 12:00)

Djabièrnè 22 di novèmber di 9.30 or di mainta pa 12’or di mèrdia (9:30 – 12:00)

Fundashon Cocari na Rincon

Djaweps 21 di novèmber di 9.30 or di mainta pa 11.30 or di mèrdia (9:30 – 11:30)

Statia

Community Care Center

Djaluna 25 di novèmber di 4’or pa 5’or di atardi (16:00 – 17:00)

Djamars 26 di novèmber di 9’or pa 10:30 or di mainta (09:00 – 10:30)

Saba

Child Focus Foundation, Windwardside

Djarason 27 di novèmber di 5’or pa 6’or di atardi (17.00- 18.00)

Sunny Valley Youth Center, the Bottom

Djaweps 28 di novèmber di 9’or pa 10:30 or di mainta (09:00 – 10:30)

Bo ke entregá un keho durante un ora di konsulta? Pasa libremente, no tin mester traha un sita. Pa mas informashon por bishitá www.nationaleombudsman.nl/cn òf nos página di Facebook: https://www.facebook.com/Nationale-ombudsman-Caribisch-Nederland-193312974372985/.

Kinderombudsman

Representantenan di Kinderombudsman tambe ta bini e oranan di konsulta na Saba en Statia. E Kinderombudsman ta sali na defensa di derechonan di mucha i ta kontrolá si gobièrnu, organisashonnan privá den enseñansa, kuido pa mucha i hubentut i di kuido di salubridat ta kumpli ku e derechonan aki. Bo tin pregunta tokante derechonan di mucha òf tin un keho? Bini na e ora di konsulta.