SHOFÙR KU A DAL SERBES TA BASHA KURÁ ABOU

DSCN3196 DSCN3188 DSCN3181 Un hòmber shofùr ku a dal solamente 7 serbes, manera e mes a deklará, a basha dos kurá di kas abou den e bario Belnem ayera mardugá banda di tres’or. Pa kolmo e tipo aki, na momentu ku fotógrafo di Extra tabata sakando foto, a bira agresivo tambe i kier a evitá sakamentu di potrèt den futuro.
E aksidente aki a tuma lugá den Kaya Uranus na Belnem. E shofùr pa un òf otro motibu a bai kore na otro banda di a kaya aki, baha kaminda i dal dos kurá basha abou. E outo a sigui kore i para den un otro kurá.
E hendenan ku ta biba den e kaya aki a spanta na momentu ku nan a tende un zonido duru, loke ta indiká ku e shofùr hulandes oropeo lo mester tabata koriendo basta duru. E daño na e kuránan ta konsiderabel. No tabatin hende heridá.